Zachodni ekśpiert nazvaŭ miesca va Ukrainie, pa jakim Rasija moža nanieści jadzierny ŭdar
Na dumku ekśpierta pa pytańniach biaśpieki Karaleŭskaha kaledža Łondana doktara Roda Torntana, Pucin naŭrad ci addaść zahad nanieści pieršy jadzierny ŭdar pa bujnym horadzie va Ukrainie. Chutčej za ŭsio, jon pasprabuje paźbiehnuć achviar, kab jaho ŭčynak mieŭ «simvaličny» charaktar, kamientuje Torntan hetuju prablemu dla časopisa Forbes.
Vostraŭ Źmiainy. Fota: Maxar Technologies
Uładzimir Pucin pastajanna pahražaje, što budzie abaraniać rasijskuju terytoryju ŭsimi dastupnymi srodkami, uklučajučy jadziernuju zbroju. Heta pryviało da biesprecedentnaj eskałacyi, jakaja pasiejała strach pierad pačatkam jadziernaj vajny pa ŭsim śviecie.
Pradkazać dakładnyja detali patencyjnaha jadziernaha ŭdaru Rasii pa Ukrainie ciažka. Ale ekśpierty skazali Forbes, što Maskva, chutčej za ŭsio, prymienić taktyčnuju jadziernuju zbroju suprać vojskaŭ abo dla źniščeńnia łahistyčnaha vuzła. Vydańnie tłumačyć, što taki typ zbroi — heta mienšyja bojehałoŭki, čym jadziernaja zbroja stratehičnaha kłasu, zdolnaja źniščać cełyja harady.
Samaja vialikaja taktyčnaja bojehałoŭka maje mahutnaść 100 kiłaton (1 kiłatona roŭnaja tysiačy ton traciłu). Mahutnaść bomby, jakuju ZŠA skinuli na Chirasimu, składała 15 kiłaton, — rastłumačyŭ ekśpiert pa pytańniach biaśpieki Karaleŭskaha kaledža Łondana doktar Rod Torntan.
Jon padkreśliŭ, što taktyčnaja jadziernaja zbroja ŭsio adno źniščalnaja, choć i słabiejšaja, čym stratehičnaja.
Na dumku ekśpierta, Pucin naŭrad ci addaść zahad nanieści pieršy jadzierny ŭdar pa bujnym horadzie va Ukrainie. Chutčej za ŭsio, jon pasprabuje paźbiehnuć achviar, kab jaho ŭčynak mieŭ «simvaličny» charaktar. Tak Maskva zmoža pakazać, što jaje namiery surjoznyja.
Torntan skazaŭ, što pradkazać pieršuju cel ciažka. Adnak, na jaho dumku, joju moža stać vostraŭ Źmiainy ŭ Čornym mory, jaki byŭ akupavany siłami Rasii na pačatku vajny, a zatym vyzvaleny ŭkrainskimi vojskami. Vostraŭ staŭ simvałam ukrainskaha supracivu.
Nastupstvy ad jadziernaha ŭdaru buduć mocna zaležać ad taho, jaki mienavita typ zbroi budzie ŭžyty i ŭ jakich umovach. Ale vybuch bomby navat małoj mahutnaści moža mieć vielmi ciažkija nastupstvy. Radyjacyja moža niehatyŭna adbicca na zdaroŭi tych, chto pieražyvie vybuch. Radyjeaktyŭnyja materyjały mohuć zarazić pryrodnaje asiarodździe, a taksama raźlaciecca pa ŭsioj Jeŭropie i Azii.
Torntan padkreślivaje, što jadzierny ŭdar — vielmi drenny sposab dla Rasii, kab zajavić pra siabie, bo radyjacyja moža zarazić i rasijskuju terytoryju. Akramia taho, krainy ŭsiaho śvietu mohuć abjadnacca suprać Maskvy.
Tamu, na dumku ekśpierta, kali Kreml navažycca na jadzierny ŭdar, to, chutčej za ŭsio, budzie padbirać taki typ zbroi, kab radyjeaktyŭnaje zaražeńnie było minimalnym.
«Na mnohich frantach Pucin pad ciskam. Čym u bolšaj rospačy jon budzie, čym bolš jaho buduć adšturchoŭvać nazad, tym bolš vierahodna, što jadziernaja zbroja budzie skarystanaja», — skazaŭ Torntan.
Ale jadzierny ŭdar moža stvaryć novyja prablemy dla Pucina navat doma. Moža ŭspychnuć supraciŭleńnie vajskoŭcaŭ abo klučavych dziejačaŭ, jakija nie zachočuć paharšać situacyju. Taksama taki rasijski ŭčynak moža padšturchnuć NATA da pramoj padtrymki Ukrainy.
Ekśpiert zaŭvažyŭ, što rasijskaja jadziernaja ataka naŭrad ci stanie siurpryzam dla Zachadu.
Čytajcie taksama:
«Kali ad jadziernaha vybuchu, napeŭna, biarycie 200». U Minsku raście popyt na preparaty jodu
U vypadku abmiežavanaj jadziernaj vajny pa jakich abjektach u Biełarusi i susiednich krainach mohuć bić?
«Kali rasijanie ŭžyvuć stratehičnuju jadziernuju zbroju, ad Rasii ničoha nie zastaniecca». Amierykanski analityk apisvaje scenaryi raźvićcia padziej, Łukašenku jon ličyć zakładnikam, a nie maryjanietkaj
Kali zaŭtra pačniecca jadziernaja vajna, ź jakoj imaviernaściu vy vyžyviecie?
WSJ: Pahrozy Pucina jadziernaj zbrojaj pracujuć, a voś samo jaje vykarystańnie napeŭna nie spracuje
