Zabaranili mieć lusterka, hadzińniki i elektryčnyja kipiacilniki. Źmianili praviły dla administracyjna zatrymanych
Zatrymanym pa administratyŭnych spravach ciapier nielha budzie mieć lusterka, hadzińniki i elektryčnyja kipiacilniki. Adkarektavanyja praviły ŭnutranaha rasparadku ŭ miescach adbyćcia administratyŭnaha aryštu źjavilisia na Nacyjanalnym partale.
Pa novych praviłach ludziam, aryštavanym pa administracyjnych spravach, dazvolena brać z saboj płastmasavy kružku, a voś maleńkaje lusterka, naručny ci kišenny hadzińnik, elektrakipiacilniki — zabaranili.
Papraŭkami vyznačana, što «pieralik praduktaŭ charčavańnia moža być abmiežavany pa pradpisańni sanitarna-epidemijałahičnaj słužby». U kamiery pa-raniejšamu možna mieć 5 kh praduktaŭ.
U papraŭkach prapisana, što administracyjna aryštavanym budzie prapanavana całkam raspranucca. Płastyrnyja nalepki, hipsavyja i inšyja paviazki buduć praviaracca razam ź miedycynskim pracaŭnikom.
