Pucin vystupiŭ sa svaim «Hałavakružeńniem ad pośpiechaŭ»
Prezident Rasii Uładzimir Pucin siońnia zapatrabavaŭ vypravić usie pamyłki, zroblenyja rasijskimi ŭładami padčas mabilizacyi, i viarnuć dadomu tych, chto pryzvany niepravamierna.
Pavodle Pucina:
- Pryzyvu padlahajuć rasijanie, jakija majuć vajenny vopyt, heta patrabavańnie pavinna vykonvacca niaŭchilna;
- Dobraachvotnikaŭ biez pozvy zavaročvajuć nazad, ale ŭ toj ža čas mabilizujuć tych, kaho nie pavinny. Treba bieź mituśni razabracca z usim hetym;
- Treba raźbiracca ŭ kožnym kankretnym vypadku pa niepravamiernaj mabilizacyi;
- Ad hramadzian pastupajuć zvaroty, šmat pytańniaŭ. Treba vypravić pamyłki, nie dapuskać ich nadalej. Šmatdzietnyja baćki, jakija vyjšli z pryzyŭnoha ŭzrostu, tyja, chto pakutuje ad chraničnych chvarob — ich usich treba viarnuć dadomu;
- Jość vypadki, kali lekaraŭ sa šmathadovym dośviedam pryznačajuć strałkami. Navošta tak rabić? A dobraachvotnikaŭ potym razvaročvajuć. Pucin prosić hienprakurora nieadkładna reahavać na kožny sihnał.
- Mabilizavanyja abaviazkova pavinny prachodzić dadatkovuju padrychtoŭku.
Usio heta vielmi nahadvaje artykuł Iosifa Stalina «Hałavakružeńnie ad pośpiechaŭ», napisany im 2 sakavika 1930 hoda paśla taho, jak u SSSR pačali rabić kalektyvizacyju z takim impetam, što źjaviłasia realnaja niebiaśpieka sialanskich buntaŭ. Tady pravadyr vystupiŭ z krytykaj «pierahinaŭ» pry praviadzieńni važnaj kampanii, i paśla hetaha toje-sioje było adkručana nazad, a šmat tolki što stvoranych kałhasaŭ raspalisia.
Ale heta było tolki taktyčnaje adstupleńnie — nieŭzabavie ŭsio viarnułasia nazad, i sucelnaja kalektyvizacyja była praviedziena, prytym mietady prymianialisia takija samyja.
