Bałharyja, Polšča i Estonija prosiać svaich hramadzian pakinuć terytoryju Rasii
Krainy Zachadu pačynajuć niepakoicca za biaśpieku svaich hramadzian u Rasii i rekamiendujuć im pakinuć jaje terytoryju.
Tak, MZS Bałharyi prosić svaich hramadzian terminova pakinuć terytoryju Rasii, vykarystoŭvajučy ŭsie mahčymyja srodki pieramiaščeńnia u suviazi sa składanaj abstanoŭkaj.
Tym, chto zastajecca, paraili «prajaŭlać pavyšanuju pilnaść, paźbiahać miescaŭ masavaha zboru ludziej i ŭvažliva adsočvać raźvićcio situacyi». Pry nieabchodnaści bałharaŭ prosiać źviazacca z pasolstvam u Maskvie i hienieralnym konsulstvam u Sankt-Pieciarburhu.
Paśla zrabić toje ž samaje paprasiła svaich hramadzian MZS Polščy. Jano nie rekamienduje palakam rabić pajezdki ŭ Rasiju, prytym pa lubych pryčynach. Rekamienduje taksama viarnucca na radzimu tym, chto ŭžo znachodzicca ŭ Rasijskaj Fiederacyi. U suviazi z najaŭnaj palityčnaj situacyjaj polskaje MZS uviało «najvyšejšy ŭzrovień pahrozy».
Raniej z anałahičnym zaklikam vystupiła Estonija.
