Znajści
Ałharytmičny łacinski varyjant
23.09.2022 / 22:555RusŁacBieł

Ukraincy pakazali načynku iranskaha bieśpiłotnika. Vyjaviłasia, što ŭ im staić zachodniaja elektronika

Siońnia va ŭkrainskich kanałach źjaviłasia techničnaje apisańnie amal nieviadomaha iranskaha bieśpiłotnika Shahed-131, jaki ŭkraincam udałosia pryziamlić. My znajšli niekalki cikavych niuansaŭ.

IRN-05 (Shahed-131). Fota tut i dalej: telehram-kanał «Amierikanśkij ✙ pichotinieć»

Pra hetyja bieśpiłotnyja aparaty raniej było viadoma mała. Upieršyniu pra ich paviedamili na miažy 2020 i 2021 hadoŭ u suviazi z raźmiaščeńniem ich u Jemenie. Ciapier ža Iran pastaviŭ ich Rasii — i pra ich stała viadoma našmat bolej.

Ahulnaja masa bieśpiłotnika składaje 135 kiłahramaŭ, ź jakich 15 kiłahramaŭ — heta masa zaradu. Pamier kryłaŭ kala 2,2 mietra, a daŭžynia dasiahaje 2,6 mietra. Zhodna z danymi daśledčykaŭ, maksimalny zapas chodu bieśpiłotnych aparataŭ składaje kala 900 kiłamietraŭ. 

Ale samaja cikavaja detal — heta toje, što ŭ bieśpiłotnikaŭ zachodnija kamplektujučyja, prytym amierykanskich kampanijaŭ. Da prykładu, tam vykarystoŭvajucca pracesary TMS320F28335 ad amierykanskaj kampanii Texas Instruments.

Kampanija źjaŭlajecca lidaram u śviecie pa vytvorčaści mikraschiemaŭ dla mabilnych pryładaŭ i vytvorčaści ličbavych sihnalnych pracesaraŭ. Mienavita apošnija i znajšlisia ŭ iranskich aparatach.

Iran moh vykupić hetyja pracesary tolki ŭ cienievych subpadradčykaŭ. Prytym imavierna navat nie praz Kitaj, bo tam niama zboračnych cechaŭ kampanii (tolki vytvorčaść paŭpravadnikovych kampanientaŭ).

Błok kiravańnia ŭźlotam i pasadkaj. Na fota jaŭna bačny amierykanski pracesar vytvorčaści Texas Instruments (pakazany pravaruč)

«Naša Niva» raspytała niekalkich śpiecyjalistaŭ u halinie mikraelektroniki, i jany schilajucca da taho, što tam jość jak minimum jašče adzin kampanient vytvorčaści zachodniaj firmy — i znachodzicca jon unutry sistemy, jakaja adkazvaje za aryjentacyju aparata (GNSS, sistema spadarožnikavaj navihacyi). 

Unutranaja sistema atrymańnia sihnałaŭ spadarožnikavaj navihacyi. Sama płata abviedzienaja čyrvonym

«Na hetaj płacie zašmat pustych miescaŭ i šmat lišnich razdymaŭ, — kaža śpiecyjalist pa mikraelektronicy. — U abaronnaj pramysłovaści tak nie robiać. Na astatnich płatach tolki minimum patrebnych detalaŭ i šmat volnaha miesca, što značyć, što jany zroblenyja admysłova pad hety aparat. A na fota — vidavočna kupčaja reč, pryčym całkam. Ja dumaju, heta hatovaja demapłata.

Čyp u centry vielmi padobny na Xilinx Kintex Ultrascale i Xilinx Kintex abo Virtex, 6 ci 7 madeli. Jany akurat u takich kvadratnych karpusach i pa pamiery vielmi padobnyja».

Xilinx — heta adzin ź viadučych vytvorcaŭ prahramavalnych intehralnych mikraschiemaŭ dla pryładaŭ dvajnoha pryznačeńnia ŭ śviecie. Tearetyčna, vialikaja kolkaść krainaŭ nie moža nabyvać takija płaty, ale na praktycy jany časta akazvajucca ŭ vyrabach ad padsankcyjnych krainaŭ.

My nie znajšli dakładna takoj ža płaty, jak na fota. Ale voś jak vyhladaje pracesar Xilinx Kintex-7 u inšaj płacie:

Fota: Aliexpress.com

A voś tak, da prykładu, vyhladaje pracesar Xilinx Kintex Ultrascale asobna:

Fota: eu.mouser.com

Praz drennuju jakaść fota, apublikavanych ukrainskimi pablikami, ekśpierty nie zdoleli dakładna adkazać na pytańnie pra toje, ci jość tam jašče niejkija zachodnija kampanienty, choć jany dapuskajuć, što jany mohuć tam być. Ale fakt u tym, što Iran navat pad žorstkimi sankcyjami zdoleŭ zakupić zachodnija kampanienty, jakich dastatkova dla stvareńnia bieśpiłotnych latajučych aparataŭ. Što kaža pra toje, što karupcyjnyja schiemy, jakija dazvalajuć bolš-mienš efiektyŭna abychodzić sankcyi, pakul što pracujuć.

«Naša Niva» — bastyjon biełaruščyny

PADTRYMAĆ

Čytajcie jašče:

ŚMI: Rasija zakupiła iranskija drony, i ŭkraincam budzie ciažka im supraćstajać

Jak pracujuć snarady SMArt, jakija dajuć Ukrainie vialikuju pieravahu VIDEA

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
19
Панылы сорам
7
Ха-ха
4
Ого
16
Сумна
10
Абуральна
102
1
Jahor/adkazać/
24.09.2022
Tolki voś pra 900 kiłamietraŭ zapasa chodu - heta, kaniečnie, poŭnaja fihnia. Vidać nulik lišni.
0
=)/adkazać/
24.09.2022
Označajet eto liš odno, čto dron-kamikadzie dla Łukašienko možno sobrať iz lubych dietalej. Potomu on imienno v šatrie rasskazyvał ob amnistii))
1
Maksim Dizajnier/adkazać/
25.09.2022
Diemokratičnieńko
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031