Parłamient Litvy zabaraniŭ tranślacyju biełaruskich i rasijskich telekanałaŭ u krainie da kastryčnika 2024 hoda
U minułuju piatnicu nadzvyčajnaje stanovišča pierastała dziejničać na ŭsioj terytoryi Litvy, tamu Siejm u terminovym paradku pryniaŭ papraŭku da zakona, jakaja praduhledžvaje časovuju zabaronu rasijskich i biełaruskich televizijnych i radyjoprahram u krainie, piša Delfi.
Za prahałasavali 113 deputataŭ, jašče čatyry ŭstrymalisia, suprać hałasoŭ nie było.
Papraŭka praduhledžvaje časovuju zabaronu na retranślacyju i raspaŭsiudžvańnie radyjoprahram, teleprahram abo asobnych prahram u internecie, stvoranych asobami, jakija prama abo ŭskosna kirujucca, kantralujucca abo finansujucca Rasijaj i Biełaruśsiu. Hetaje pałažeńnie budzie dziejničać da 16 kastryčnika 2024 hoda.
Rašeńnie było pryniataje ŭ terminovym paradku, bo ź piatnicy režym nadzvyčajnaha zdareńnia zastaŭsia ŭ sile tolki na hranicy z Rasijaj i Biełaruśsiu.
