Vienčurny rynak Biełarusi skaraciŭsia na fonie kanfliktu va Ukrainie
U pieršym paŭhodździ hetaha hoda abjom vienčurnych inviestycyj u Biełarusi skaraciŭsia na 64% u paraŭnańni z anałahičnym pieryjadam minułaha hoda, da $3,1 młn. Pra heta havorycca ŭ daśledavańni Dsight, jakoje pastupiła ŭ «RBK».
Jaho aŭtary źviazali dynamiku z padtrymkaj Minskam palityki Rasii, a taksama adrezanaściu ad suśvietnaha vienčurnaha kapitału. Faktyčna adzinaj krynicaj vienčurnych inviestycyj u krainie zastajecca rasijska-biełaruski fond RBF Ventures, jaki za pieršaje paŭhodździe nie ździejśniŭ nivodnaj ździełki, havorycca ŭ daśledavańni.
«Vidavočna, biełaruskim startapam treba budzie zrabić taki ž składany vybar, jak i rasijskim: pracavać na rynkach SND abo sychodzić na mižnarodnyja rynki, što ciahnie za saboj nieabchodnaść rełakacyi, ale pry hetym adkryvaje dostup da finansavańnia ad zamiežnych fondaŭ», — ukazali aŭtary.
Vienčurnyja inviestycyi (ad anhł. venture — ryzykoŭnaje pradpryjemstva) — heta ŭkładańni ŭ biźnies, jaki raźvivajecca abo startap, pra pierśpiektyvy paśpiachovaści jakoha pakul ničoha nie viadoma.
