Litva budzie prymać rašeńnie pa humanitarnych vizach dla rasijan indyvidualna
Paśla taho, jak Ryha zajaviła, što nie budzie vydavać humanitarnyja vizy rasijanam, jakija biahuć ad mabilizacyi, Litva zajaviła, što budzie razhladać kožny zapyt indyvidualna.
MZS padkreśliŭ, što Vilnia «nie maje mety i mahčymaści vydavać vizy pa humanitarnych mierkavańniach usim hramadzianam Rasii, jakija źviartajucca».
«Dla hetaha nieabchodnyja i pravierki, źviazanyja z pytańniami nacyjanalnaj biaśpieki. Zvaroty hramadzian Rasii z takimi prašeńniami buduć pa-raniejšamu razhladacca ŭ zvyčajnym paradku z ulikam usich abstavin i ŭ indyvidualnym paradku, kab paźbiehnuć pahroz nacyjanalnaj biaśpiecy Litvy i pakinuć dźviery adčynienymi dla pradstaŭnikoŭ hramadzianskaj supolnaści, jakich praśledujuć, i apazicyi», — ziaŭlaje MZS.
Ministerstva taksama śćviardžaje, što Litva praciahnie kansultacyi z rehijanalnymi partniorami i na ŭzroŭni Jeŭrapiejskaha sajuza adnosna sposabaŭ reahavańnia.
