Ministr abarony Litvy: Siły chutkaha reahavańnia pryviedzienyja ŭ pavyšanuju bajavuju hatoŭnaść
Ministr abarony Litvy prakamientavaŭ apošniaje abvastreńnie vakoł rasijskaj mabilizacyi i praviadzieńnia «refierendumaŭ» na akupavanych ukrainskich terytoryjach.
«Pakolki Rasija abviaściła vajskovuju mabilizacyju i jana budzie ździejśnienaja ŭ tym liku i ŭ Kalininhradskaj vobłaści, to bok pa susiedstvie z nami, to i Litva nie moža za hetym tolki nazirać. Siły chutkaha reahavańnia pryviali ŭ pavyšanuju bajavuju hatoŭnaść, kab spynić lubyja mahčymyja pravakacyi z boku Rasii», — u fejsbuku napisaŭ Anušaŭskas.
«Taksama razhladajem mahčymaść pavialičyć padtrymku Ukrainie i zaklikajem usich našych sajuźnikaŭ taksama pavialičyć patok hetaj padtrymki. Rasijskaja ahresija va Ukrainie pavinna być spynienaja» — kaža Anušaŭskas.
«Rasijski mabilizacyjny adčaj pakazvaje, što ŭ Rasii niama inšych mahčymaściaŭ utrymać akupavanyja terytoryi Ukrainy, i tamu jany chapajucca za apošniuju sałominku», — piša ministr.
