Padamavy abychod z patrulom. Jak budzie arhanizavany «refierendum» u Zaparožskaj vobłaści
Na akupavanaj terytoryi Zaparožskaj vobłaści padčas «refierendumu» budzie zrobleny paadrasny abychod hramadzian z bryhad u składzie z «čalcoŭ CVK» i supracoŭnikaŭ palicyi, jakija buduć prapanoŭvać žycharam prahałasavać.
Pra heta paviedamiŭ kiraŭnik akupacyjnaj ułady rehijona Jaŭhien Balicki ŭ efiry telekanała «Rasija-24».
Jon tłumačyć takija miery «mierkavańniami biaśpieki».
«Hałasavańnie budzie prachodzić ź piatnicy [23 vieraśnia], budzie rabicca raznos pa ludziach, jakija žyvuć na terytoryi Zaparožskaj vobłaści, vyzvalenaj ad nacyzmu, pa adrasach. <…> Da mnohich budzie prychodzić naša bryhada ludziej, jakaja budzie składacca z čalcou kamisii, viadoma, u supravadžeńni palicejskich, kab nie było incydentaŭ, i ludziam budzie prapanoŭvacca paadrasna prahałasavać. Takim čynam my abaraniajem žycharoŭ ad natoŭpach u miescach, pa jakich nacysty mohuć nanieści rakietny ŭdar abo zakłaści vybuchovyja pryłady».
Tyja, chto «čamuści» nie zmoža prahałasavać doma, zmoža prahałasavać na ŭčastkach.
