Mazyrskaha pravaabaroncu Uładzimira Cielepuna znoŭ asudzili da aryštu. Hetym razam — 15 sutak
Sudździa suda Mazyrskaha rajona Buhłak siońnia razhladała adrazu try administracyjnyja pratakoły ŭ dačynieńni da Cielepuna. Pratakoły byli składzienyja pavodle art. 19.11 KaAP (Raspaŭsiud ekstremisckich materyjałaŭ) za spasyłki na publikacyi «Biełsata», «Radyjo Svaboda» i «Krainy dla žyćcia», pakinutyja im ŭ sacyjalnych sietkach u 2021 hodzie, piša «Viasna».
Ahułam suprać Uładzimira Cielepuna skłali čatyry pratakoły. Pa pieršym pratakole, za reposty ŭ sacsietkach z rehijanalnaha pravaabarončaha sajta «Paleskaja Viasna», Cielepuna zatrymali 3 vieraśnia i zatym asudzili na 10 sutak aryštu.
16 vieraśnia, praz troje sutak paśla vyzvaleńnia, pravaabaroncu iznoŭ zatrymali. Jaho vyklikali ŭ RAUS dla «padpisańnia vypraŭlenych administracyjnych pratakołaŭ», i na volu tak i nie adpuścili.
