Starlink ciapier pracuje na ŭsich kantynientach, ale ŭ Biełarusi jaho nie budzie
Internet ad Iłana Maska Starlink ciapier dastupny na ŭsich kantynientach, ale pracavać jon budzie daloka nie va ŭsich krainach. Infarmacyja pra heta źjaviłasia na sajcie kampanii.
Jak napisaŭ raniej Iłan Mask na svajoj staroncy ŭ tvitary, Starlink ciapier dastupny navat u Antarktycy, na arbitu vyviedziena ŭžo bolš za 3 tysiačy spadarožnikaŭ.
Ale miarkujučy pa karcie pakryćcia, jakaja źjaviłasia na sajcie Starlink, u šerahu krain pasłuhi spadarožnikavaj sietki pakul niedastupnyja i ŭ najbližejšy čas situacyja nie źmienicca. Heta krainy, u jakich jość surjoznyja prablemy z demakratyjaj i pravami čałavieka. U śpis patrapili i Biełaruś z Rasijaj, a taksama Kitaj, Afhanistan, Vieniesueła, Iran, Kuba, Paŭnočnaja Kareja i Siryja. Pieraličanyja krainy ŭ hety momant nie značacca «ŭ listach čakańnia» dla padłučeńnia spadarožnikavaj sietki.
Spadarožnikavy internet-pravajder Starlink naležyć kampanii SpaceX Iłana Maska.
Čytajcie taksama:
Turysty na Alascy źniali ruch spadarožnikaŭ Starlink na fonie palarnaha źziańnia
Mask zapuściŭ Starlink na Antarktydzie. Ciapier jon dastupny na ŭsich kantynientach
