Recept na vychadnyja. Bokści (boxty) — draniki, ale pa-irłandsku

Fota: BBC Food

Kab zhatavać bokści, vam spatrebicca:

• 500 hramaŭ bulby, nacierci
• 500 hramaŭ chałodnaha bulbianoha piure
• 420 hramaŭ muki
• 1 čajnaja łyžka z horkaj razrychlalniku
• 1—2 stałovyja łyžki rastoplenaha masła
• sol i mołaty čorny pierac
• 200 hramaŭ małaka
• 1—2 stałovyja łyžki aleju
• 8—12 łustačak vendžanaha biekona
• klanovy sirop (pa žadańni)

1. Zaharnicie ciortuju bulbu ŭ čysty kuchonny ručnik i dobra adciśnicie jaje, kab pazbavicca ad lišniaj vadkaści.
2. Pierakładzicie bulbu ŭ misku, dadajcie chałodnaje piure i pieramiešvajcie, pakul usio dobra nie źmiašajecca.
3. Dadajcie da bulbianoj sumiesi muku i razrychlalnik i dobra pieramiašajcie. Umiašajcie ŭ sumieś rastoplenaje masła, zapraŭcie sollu i mołatym čornym piercam.
4. Patrochu dadavajcie ŭ sumieś małako, pieramiešvajučy sumieś paśla kožnaha dadavańnia. Vy pavinny atrymać hustoje i ciažkaje ciesta. Kali ciesta zanadta lipkaje, dadajcie jašče trochi małaka. Adstaŭcie ciesta ŭ bok.
5. Vaźmicie vialikuju patelniu i razahrejcie ŭ joj alej. Pakładzicie ŭ patelniu biekon i smažcie jaho 6-8 chvilin ci pakul łustački biekona nie stanuć chrumstkimi i załacista-karyčnievymi z abodvuch bakoŭ. Dastańcie biekon z patelni i pakładzicie jaho na papiarovy ručnik, kab ź biekona syšoŭ alej.
6. U toj ža alej, u jakim smažyŭsia biekon, pakładzicie pa łyžcy bulbianoha ciesta. Pakidajcie dastatkova volnaha miesca, bo ciesta budzie raściakacca. Smažcie bokści na siarednim ci mocnym ahni pa 3—4 chviliny z kožnaha boku abo pakul jany nie stanuć załacista-karyčnievymi i ciortaja bulba nie zhatujecca. Dastańcie bokści z patelni, adkładzicie ich na papiarovy ručnik i zachoŭvajcie ŭ ciaple, tym časam paŭtarycie praces z astatnim ciestam.
7. Možna smažyć bokści i prosta na alei ci smalcy, nie kaniečnie na biekonie. Ale biekon dadaje, viadoma, smaku.
8. Kali budziecie padavać bokści, pakładzicie kala kožnaj porcyi adnu-dźvie łustački smažanaha biekona. Možna dadatkova palić bokści klanovym siropam.

Recept na vychadnyja: pastuchoŭ piroh

Recept na vychadnyja. Faršyravanyja bakłažany — kłasičny italjanski sialanski recept

Recept na vychadnyja. Tradycyjny anhlijski piroh starhiejzi — strava, jakoj vy dakładna ździvicie

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

8

1

0

4

0

0