Łukašenka daŭ ukrainskim biežancam pravy, roŭnyja ź biełarusami
Alaksandr Łukašenka padpisaŭ ukaz ab novaj redakcyi ŭkaza ad 30 žniŭnia 2014 hoda № 420 «Ab znachodžańni hramadzian Ukrainy ŭ Respublicy Biełaruś». Raniej jon tyčyŭsia žycharoŭ Danieckaj i Łuhanskaj abłaściej, ciapier ža raspaŭsiudžvajecca na ŭsich ukraincaŭ.
«Ukaz raspracavany ŭ metach akazańnia dapamohi hramadzianam, jakija prybyli na terytoryju Biełarusi z Ukrainy i apynulisia ŭ ciažkaj žyćciovaj situacyi», — havorycca ŭ paviedamleńni pres-słužby Łukašenki.
Adznačajecca, što dla ŭkraincaŭ praduhledžana nadańnie pravoŭ naroŭni ź biełaruskimi hramadzianami. Havorka idzie pra:
- daškolnuju, ahulnuju i śpiecyjalnuju adukacyju, atrymańnie prafiesijna-techničnaj, siaredniaj śpiecyjalnaj i vyšejšaj adukacyi za košt srodkaŭ respublikanskaha i (abo) miascovych biudžetaŭ abo na ŭmovach apłaty;
- dastupnaje miedycynskaje absłuhoŭvańnie;
- pryznačeńnie dapamoh na dziaciej i piensij.
Taksama hramadzianie Ukrainy vyzvalajucca ad vypłaty nastupnych dziaržpošlin:
- za rehistracyju časovaha znachodžańnia ŭ Biełarusi;
- vydaču dazvołu na časovaje pražyvańnie;
- razhlad zajavy ab vydačy dazvołu na pastajannaje pražyvańnie;
- vydaču bijamietryčnaha dazvołu na žycharstva.
Akramia taho, biełarusy, jakija najmajuć na pracu hramadzian Ukrainy, vyzvalajucca ad vypłaty dziaržpošlin:
- za vydaču śpiecyjalnaha dazvołu na prava zaniatku pracoŭnaj dziejnaściu;
- atrymańnie dazvołu na pryciahnieńnie ŭ Biełaruś zamiežnaj pracoŭnaj siły;
- adnarazovy praciah dazvołu na pryciahnieńnie ŭ krainu zamiežnaj pracoŭnaj siły.
