Buchhałtarki abakrali škołu ŭ Žodzinie na 70 tysiač rubloŭ
Dźvie buchhałtarki ŭ Žodzinie raskradali srodki škoły, u jakoj pracavali, ciaham 4 hadoŭ. Pra toje, jak heta było, raskazaŭ Śledčy kamitet.
Padazravanyja va ŭzroście 48 i 37 hadoŭ, karystajučysia słužbovymi paŭnamoctvami, zavyšali sabie zarobki. Za čatyry hady žančyny prysvoili bolš za 70 000 rubloŭ. Tolki ŭ kancy minułaha hoda supracoŭnicy pierastali hetym zajmacca, adnak schiemaj užo zacikaviŭsia ABEZ Žodzinskaha HAUS.
Dziejańni žančyn kvalifikavali pa č. 4 art. 210 KK RB (kradziež šlacham złoŭžyvańnia słužbovymi paŭnamoctvami, hrupaj asob, ździejśnienaje ŭ asabliva bujnym pamiery). Raniej žančyny da kryminalnaj adkaznaści nie pryciahvalisia.
Na dopytach fihurantki rastłumačyli abstaviny ŭčynieńnia złačynstva i pryznali vinu. Skradzienyja hrošy nibyta tracilisia na pradukty charčavańnia, kuplu bytavoj techniki i adzieńnia, apłatu kamunalnych pasłuh. Škodu žančyny kampiensavali ŭ poŭnym abjomie.
