Kolki budzie kaštavać iPhone 14 u Biełarusi. Ich zaviazuć nieaficyjna
Na papularnaj biełaruskaj placoŭcy pryvatnych abjaŭ źjaviłasia niamała prapanoŭ pryvieźci pad zamovu novyja iPhone 14, piša officelife.media.
Prapanovy zusim roznyja: chtości hatovy pryvieźci iPhone 14 bieź pieradapłaty, chtości — tolki pry ŭmovie 100%-naj pieradapłaty, chtości abiacaje vytrymać terminy dastaŭki ŭ 10 dzion, chtości bolš raspłyvista kaža ab dastaŭcy «ŭ vieraśni».
U zaležnaści ad umoŭ dastaŭki i madeli, adroźnivajucca i košty hadžetaŭ: zamović u pryvatnikaŭ novyja iPhone 14 možna pa košcie ad 3 da 5,5 tysiačy rubloŭ.
Jak rastłumačyli OL pradaŭcy, telefony źbirajucca nabyvać u Jeŭropie, chtości viazie z Kitaja.
Aficyjny reseler i sotavyja apieratary pakul nie buduć pastaŭlać pradukcyju Apple u Biełaruś. Pakul u ich u prodažy jość papiaredniaja madel, iPhone 13, ceny na jaje startujuć ad 2 tysiač.
7 vieraśnia byli pradstaŭlenyja navinki ad Apple: smartfony iPhone 14, iPhone 14 Plus, iPhone 14 Pro i iPhone 14 Pro Max, razumny hadzińnik Apple Watch Series 8, Apple Watch SE i Apple Watch Ultra, a taksama navušniki AirPods Pro druhoha pakaleńnia.
Košt iPhone 14 u bazavych viersijach u zaležnaści ad madeli składzie ŭ Złučanych Štatach ad $799 da $1099. Start prodažaŭ — 16 vieraśnia.
