U Hancavickim rajonie 6 čałaviek zabłukali na bałocie
U Hancavickim rajonie kala vioski Jałovaja ŭ lesie zabłukali 6 čałaviek. Padrabiaznaściami incydentu, jaki adbyŭsia 10 vieraśnia, padzialiłasia pres-słužba UMNS Bresckaj vobłaści.
Fota ilustracyjnaje
U rajonie 21:00 ratavalnikam pastupiła paviedamleńnie ab źniknieńni ludziej. Vyśvietliłasia, što 4 žančyny pajšli na bałota pa žuraviny i zabłukali. Šukać ich vyjšli jašče 2 čałavieki, i znajšli. Adnak heta pamahło mała: paśla taho nie zmahli vybracca z bałota samastojna ŭsie šaściora.
Viaskoŭcam ničoha nie zastavałasia, jak patelefanavać u MNS i pieradać prykładnyja kaardynaty svajho miescaznachodžańnia. Da pošukavaj apieracyi padklučyłasia i milicyja.
Atrymaŭšy sihnał, supracoŭniki pračasali les z hučnahavarycielami. Šukali ludziej krychu bolš za hadzinu, ale ŭ vyniku taki znajšli. U miedycynskaj dapamozie jahadniki patreby nie mieli.
