AAN: Achviarami vajny va Ukrainie stali bolš za 14 tysiač cyvilnych asob
AAN ŭdałosia paćvierdzić danyja ab bolš čym na 14 tysiačach achviar siarod cyvilnych za čas vajny va Ukrainie.
Fota AP
Pra heta paviedamiła kiraŭnik manitorynhavaj misii AAN pa pravach čałavieka va Ukrainie Macilda Bohnier.
«Pa stanie na siońnia nami pravierana i paćvierdžana 14 059 achviar siarod hramadzianskaha nasielnictva. U vyniku bajavych dziejańniaŭ zahinuli 5767 hramadzianskich asob, 8292 atrymali ranieńni. My nieadnarazova adznačali, što faktyčnyja ličby, vierahodna, źjaŭlajucca značna bolšymi», — zajaviła Bohnier.
«Ad 24 lutaha naša misija paćvierdziła, što prynamsi 416 čałaviek stali achviarami advolnych zatrymańniaŭ i hvałtoŭnych źniknieńniaŭ na terytoryjach, akupavanych Rasijskaj Fiederacyjaj, abo na terytoryjach, jakija kantralujucca ŭ toj čas Uzbrojenymi Siłami Rasii i źviazanymi ŭzbrojenymi hrupami. Ź ich 16 byli znojdzienyja miortvymi, 166 vyzvalenyja», — padkreśliła jana.