Pastavak iPhone 14 u Biełaruś niama i nie čakajecca
U sieradu, 7 vieraśnia, karparacyja Apple praviała tradycyjnuju vosieńskuju prezientacyju svaich novych praduktaŭ. Office Life źviarnuŭsia da aficyjnaha reselera pradukcyi Apple u Biełarusi i-store.by i spytaŭ, ci čakać biełaruskim karystalnikam iPhone 14, novyja Apple Watch i Airpods Pro 2.
U kramie nam skazali, što novyja madeli hadžetaŭ ad Apple u Biełarusi nie čakajucca. Ciapier u i-store.by zastalisia tolki 13-ja ajfony ŭ dvuch kolerach z harantyjaj 12 miesiacaŭ.
U Rasii kiraŭnik Minpramhandlu Dzianis Manturaŭ užo zajaviŭ, što novyja iPhone mohuć pastaŭlacca na rynak pa paralelnym imparcie. «Kali spažyŭcy zachočuć nabyć hetyja telefony — kali łaska. Takaja mahčymaść budzie», — skazaŭ jon.
U i-store.by na hety kont łakanična zaŭvažyli, što «nijak nie źviazanyja z Rasijaj, i pastavak niama i nie pradbačycca».
Sotavyja apieratary Biełarusi taksama pakul nie prapanoŭvajuć navinki ad Apple.
