«Ciapier biez udziełu režymu». Rada Jeŭropy stvaraje Kantaktnuju hrupu pa Biełarusi
Rada Jeŭropy aficyjna stvaraje Kantaktnuju hrupu pa Biełarusi. Heta vynik sumiesnaj pracy biełaruskaj hramadzianskaj supolnaści i kamandy Śviatłany Cichanoŭskaj. Pra heta napisaŭ u svaim telehram-kanale Franak Viačorka.
Śviatłana Cichanoŭskaja z prezidentam PARIE Tajni Koksam i hiensiekam Rady Jeŭropy Maryjaj Buryč
«Da hetaha času Rada Jeŭropy supracoŭničała z krainami praz farmalnyja ŭrady. Navat kali niešta rabiłasia z hramadzianskaj supolnaściu, to zvyčajna ŭzhadniałasia i vyrašałasia z uradam. Ciapier biez režymu — tolki demakratyčnyja siły i hramadzianskaja supolnaść. Heta novy farmat, jaki, zdajecca, nie maje precedentaŭ», — napisaŭ F. Viačorka.
Pa jaho słovach, heta znak, što Rada Jeŭropy razhladaje Biełaruś i biełarusaŭ svaimi partniorami, i adkrytyja da supracoŭnictva.
