Prakuratura Kijeva aryštavała majomaść troch biełaruskich kampanij
Try asfaltabietonnyja zavody, jakija naležać biełaruskim kampanijam, pieradadzienyja prakuraturaj Kijeva miascovamu Nacyjanalnamu ahienctvu pa vyjaŭleńni i mieniedžmiencie aktyvaŭ. Infarmacyja pra heta źjaviłasia na staroncy ŭkrainskaha viedamstva ŭ fejsbuku.
U paviedamleńni skazana, što havorka idzie pra asfaltabietonnyja zavody. Košt pieradadzienych aktyvaŭ acanili ŭ 120 młn hryŭniaŭ, ci 3,2 młn dalaraŭ. Pradpryjemstvy pracavali ŭ Kijevie, a taksama ŭ Žytomirskaj i Mikałajeŭskaj abłaściach.
Ukrainskija ŭłady ciapier vyrašyli taksama rasśledavać, ci nie byli prysvojenyja srodki ŭkrainskaha dziaržbiudžetu, jakija vydzialajucca na budaŭnictva, rekanstrukcyju i ramont daroh.
Heta nie pieršy vypadak aryštu biełaruskaj ułasnaści va Ukrainie. Raniej kiraŭnik MZS Uładzimir Makiej zajaŭlaŭ, što Minsk detalova vyvučaje ŭsie historyi, źviazanyja z aryštam biełaruskaj majomaści za miažoj, i nie pakinie hetyja dziejańni biez adkazu.
