U Minadukacyi raspaviali, jak chočuć źmianić CT
Ministr adukacyi Andrej Ivaniec raspavioŭ, što ŭ centralizavanym testavańni chočuć prybrać varyjanty adkazaŭ i pieratvaryć jaho ŭ «zvyčajnuju kantrolnuju» pa roznych pradmietach. Adnak nazyvacca jana i dalej budzie testavańniem.
«Kali raniej u nas prykładna pałova zadańniaŭ u teście byli z vybaram varyjantaŭ adkazu, i tady možna było albo dzieści adhadać, albo ŭspomnić, pahladzieŭšy na varyjanty, to siońnia my praktyčna zvodzim da minimumu hety składnik z vybaram. Heta budzie zvyčajnaja kantrolnaja, naprykład, pa matematycy, dzie nieabchodna rašyć zadaču, ale ŭ kletku adkazaŭ upisać kankretny vynik biez varyjantaŭ, — zajaviŭ Andrej Ivaniec. — Pa vialikim rachunku my praktyčna całkam sydziem ad mahčymaści tych ci inšych uhadvańnia, albo niejkich vypadkovaściaŭ.
Ad CT u novaj formie arhanizacyi vynikovaj atestacyi zastaniecca tolki pravierka vynikaŭ z dapamohaj kampjutara, kab vyklučyć čałaviečy faktar pry aceńvańni.
«Usio astatniaje — heta budzie zvyčajnaja kantrolnaja rabota, ale z nazvaj «testavańnie»,— skazaŭ na zakančeńnie ministr adukacyi.
