Z-za vybuchaŭ u Krymie pieranieśli čempijanat pa kartynhu, dzie budzie vystupać unuk Pucina
Spabornictvy pa kartynhu pad ehidaj Rasijskaj aŭtamabilnaj fiederacyi, jakija pavinny byli prajści 9-11 vieraśnia ŭ Jeŭpatoryi (horad na zachadzie anieksavanaha Kryma), pieranieśli ŭ Hrozny. Heta adbyłosia paśla vybuchaŭ na vajennym aeradromie Saki za 20 kiłamietraŭ ad Jeŭpatoryi, vyśvietliła «Nastojaŝieje vriemia».
U čempijanacie Rasii pa kartynhu ŭ kłasie «mini» ŭ 2022 hodzie ŭdzielničaje 10-hadovy Raman Faasen, vynikaje z dastupnych u internecie pratakołaŭ spabornictvaŭ. Heta syn starejšaj dački Uładzimira Pucina Maryi Varancovaj ad pieršaha šlubu z hramadzianinam Niderłandaŭ Jorytam Faasenam.
Unuk Pucina vychodziŭ na trasu piać razoŭ z šaści mahčymych — u Hroznym, Zielenahradzie, dvojčy ŭ Razani, a taksama ŭ pasiołku Bahatyja Saby pad Kazańniu. Najlepšy svoj vynik Faasen pakazaŭ u Razani 25 lipienia, zaniaŭšy 14 miesca z 22. U ahulnym zaliku čempijanatu jon zajmaje 28 miesca z dvuma ačkami, u lidara, 11-hadovaha maskviča Marka Zajcava, — 300 ačkoŭ.