Za abrazu Łukašenki žychara Žytkavičaŭ asudzili na paŭtara hoda kałonii
Sud Žytkavickaha rajona vynies prysud pa spravie miascovaha 40-hadovaha žychara Dźmitryja Kryvulki.
Jon byŭ abvinavačany pavodle častki 1 artykuła 368 Kryminalnaha kodeksa — «abraza prezidenta» za kapiravańnie i raźmiaščeńnie dopisu ŭ interniecie, jaki paličyli abraźlivym, paviedamlaje «Viasna».
Spravu razhladaŭ sudździa Alaksandr Anoška. Abvinavačańnie pradstaŭlaŭ prakuror Ihar Arciomienka.
Pa materyjałach abvinavačańnia, Kryvulka ŭ svaim akaŭncie ŭ adnakłaśnikach raźmiaściŭ videarolik z haračym i emacyjnym abmierkavańniem palityčnaj situacyi žurnalistami inšaj dziaržavy. U palemicy nieadnarazova hučali repliki niepavažlivaha i abraźlivaha charaktaru na adras lidaraŭ niekatorych krain, a taksama ŭ ich liku i prezidenta Respubliki Biełaruś.
Praces pačaŭsia 2 žniŭnia, adnak uźnikła zaminka z advakatam, jaki paprasiŭ čas dla aznajamleńnia z materyjałami spravy.
Sud pryznaŭ Kryvulku vinavatym i pastanaviŭ pakarać jaho pazbaŭleńniem voli terminam na adzin hod i šeść miesiacaŭ u kałonii ahulnaha režymu.
