Amierykanskija rakiety na savieckich samalotach. Tłumačym, jak ukraincy paralizavali rasijskuju abaronu
Dziakujučy amierykanskim supraćradarnym rakietam HARM, ukraincy za dva tydni zrabili toje, što rasijanam nie ŭdałosia za paŭhoda — paralizavali supraćpavietranuju abaronu praciŭnika. Užo niekalki dzion nad linijaj frontu znoŭ źjaŭlajucca ŭkrainskija samaloty. Tyja samyja, jakija, pavodle kramloŭskaj prapahandy, daŭno źniščanyja, tłumačyć Newsweek.
Ad pačatku vajny rasijanie niekalki razoŭ paviedamlali pra źniščeńnie ŭkrainskaj avijacyi. Jana, adnak, usio jašče dobra funkcyjanuje, asabliva paśla taho, jak atrymała amierykanskaje ŭzbrajeńnie. Na pačatku žniŭnia va Ukrainu ŭ miežach 19-ha pakieta vajennaj dapamohi prybyli supraćradarnyja rakiety AGM-88 HARM.
U suviazi z praciahłymi bajavymi dziejańniami pastaŭki rakiet HARM majuć vialikaje značeńnie. Dziakujučy im abaroncy efiektyŭna paralizujuć rasijskuju supraćpavietranuju abaronu na paŭdniovym učastku frontu. Za apošni tydzień ukraincy źniščyli šeść zienitnych radyjołakacyjnych kompleksaŭ u Krymie i Chiersonskaj vobłaści.
Supraćradyjołakacyjnaja moc
Padčas vjetnamskaj vajny amierykancy pryjšli da vysnovy, što tolki aktyŭnyja ŭdary pa sistemach supraćpavietranaj abarony dazvolać całkam paralizavać praciŭnika. Da peŭnaha času rabilisia sproby hłušyć rabotu radaraŭ, adnak z 1965 hoda ich pačali biaźlitasna źniščać supraćradarnymi rakietami. HARMs — treciaje pakaleńnie zbroi hetaha typu. Siońnia amierykancy vałodajuć samymi pieradavymi i šyrokimi supraćradarnymi siłami.
Naviadzieńnie adbyvajecca niekalkimi sposabami i pracuje navat paśla adklučeńnia radyjołakacyjnaj stancyi, pakolki rakieta «zapaminaje» apošniuju pazicyju sihnału. Akramia taho, vysokaja adčuvalnaść datčykaŭ dazvalaje atakavać celi i zzadu, i zboku, a nie tolki ź piaredniaj častki radara, adkul vypramieńvajecca najmacniejšy sihnał.
Rasijskija prablemy
Rasijanie paśla tydniovych bajoŭ nie nablizilisia da taho, kab paralizavać ukrainskija zienitnyja sistemy. Praz paŭhoda ŭkrainskija zienitnyja kompleksy ŭsio jašče niadrenna pracujuć. Rasijski supraćradarny nastup skončyŭsia poŭnaj katastrofaj. Ukrainskaja SPA źbiła nie mienš za šeść taktyčnych bambavikoŭ Su-34, zdolnych nieści supraćradyjołakacyjnyja rakiety Ch-31P, i dva Su-30, jakija taksama mohuć vykarystoŭvacca dla hetaj mety. Nivodnaj ukrainskaj radyjołakacyjnaj sistemy źniščyć nie ŭdałosia.
Toje, što rasijanam nie ŭdałosia zrabić za paŭhoda bajoŭ, ukraincy zrabili za 2 tydni ŭ Chiersonskaj vobłaści i Krymie. Adnak hetaha ŭžo dastatkova, kab frantavyja šturmaviki Su-25 mahli svabodna padtrymlivać vojski, jakija kontratakujučć, a balistyčnyja rakiety źniščali paetapnyja punkty i składy ŭ niepasrednym tyle frontu.
Da hetaha času ŭ nivodnaj z byłych krain Varšaŭskaj damovy, navat u tych, chto ŭžo maje samaloty zachodniaj vytvorčaści, nie było kompleksnych rakiet HARM. Ukraincy źjaŭlajucca pieršymi karystalnikami hetych rakiet u Centralnaj i Uschodniaj Jeŭropie. Akramia taho, jany pieršymi intehravali amierykanskuju zbroju ŭ postsavieckuju avijacyju, pierarabiŭšy źniščalniki MiH-29.
Nieŭzabavie paśla raspadu Savieckaha Sajuza Złučanyja Štaty nabyli kala 20 MiH-29, niekatoryja ź jakich da hetaha času ekspłuatujucca. Ich rekanstrukcyju pravioŭ polski vajskova-avijacyjny zavod №2 u Bydhaščy. Samaloty, jakija demanstruje ŭkrainski Hienštab, mohuć być jak achviaravanymi ZŠA, tak i ŭłasnymi, madernizavanymi. Apošni varyjant zdajecca bolš imaviernym.
