Амерыканскія ракеты на савецкіх самалётах. Тлумачым, як украінцы паралізавалі расійскую абарону
Дзякуючы амерыканскім супрацьрадарным ракетам HARM, украінцы за два тыдні зрабілі тое, што расіянам не ўдалося за паўгода — паралізавалі супрацьпаветраную абарону праціўніка. Ужо некалькі дзён над лініяй фронту зноў з'яўляюцца ўкраінскія самалёты. Тыя самыя, якія, паводле крамлёўскай прапаганды, даўно знішчаныя, тлумачыць Newsweek.
Ад пачатку вайны расіяне некалькі разоў паведамлялі пра знішчэнне ўкраінскай авіяцыі. Яна, аднак, усё яшчэ добра функцыянуе, асабліва пасля таго, як атрымала амерыканскае ўзбраенне. На пачатку жніўня ва Украіну ў межах 19-га пакета ваеннай дапамогі прыбылі супрацьрадарныя ракеты AGM-88 HARM.
У сувязі з працяглымі баявымі дзеяннямі пастаўкі ракет HARM маюць вялікае значэнне. Дзякуючы ім абаронцы эфектыўна паралізуюць расійскую супрацьпаветраную абарону на паўднёвым участку фронту. За апошні тыдзень украінцы знішчылі шэсць зенітных радыёлакацыйных комплексаў у Крыме і Херсонскай вобласці.
Супрацьрадыёлакацыйная моц
Падчас в'етнамскай вайны амерыканцы прыйшлі да высновы, што толькі актыўныя ўдары па сістэмах супрацьпаветранай абароны дазволяць цалкам паралізаваць праціўніка. Да пэўнага часу рабіліся спробы глушыць работу радараў, аднак з 1965 года іх пачалі бязлітасна знішчаць супрацьрадарнымі ракетамі. HARMs — трэцяе пакаленне зброі гэтага тыпу. Сёння амерыканцы валодаюць самымі перадавымі і шырокімі супрацьрадарнымі сіламі.
Навядзенне адбываецца некалькімі спосабамі і працуе нават пасля адключэння радыёлакацыйнай станцыі, паколькі ракета «запамінае» апошнюю пазіцыю сігналу. Акрамя таго, высокая адчувальнасць датчыкаў дазваляе атакаваць цэлі і ззаду, і збоку, а не толькі з пярэдняй часткі радара, адкуль выпраменьваецца наймацнейшы сігнал.
Расійскія праблемы
Расіяне пасля тыднёвых баёў не наблізіліся да таго, каб паралізаваць украінскія зенітныя сістэмы. Праз паўгода ўкраінскія зенітныя комплексы ўсё яшчэ нядрэнна працуюць. Расійскі супрацьрадарны наступ скончыўся поўнай катастрофай. Украінская СПА збіла не менш за шэсць тактычных бамбавікоў Су-34, здольных несці супрацьрадыёлакацыйныя ракеты Х-31П, і два Су-30, якія таксама могуць выкарыстоўвацца для гэтай мэты. Ніводнай украінскай радыёлакацыйнай сістэмы знішчыць не ўдалося.
Тое, што расіянам не ўдалося зрабіць за паўгода баёў, украінцы зрабілі за 2 тыдні ў Херсонскай вобласці і Крыме. Аднак гэтага ўжо дастаткова, каб франтавыя штурмавікі Су-25 маглі свабодна падтрымліваць войскі, якія контратакуючць, а балістычныя ракеты знішчалі паэтапныя пункты і склады ў непасрэдным тыле фронту.
Да гэтага часу ў ніводнай з былых краін Варшаўскай дамовы, нават у тых, хто ўжо мае самалёты заходняй вытворчасці, не было комплексных ракет HARM. Украінцы з’яўляюцца першымі карыстальнікамі гэтых ракет у Цэнтральнай і Усходняй Еўропе. Акрамя таго, яны першымі інтэгравалі амерыканскую зброю ў постсавецкую авіяцыю, перарабіўшы знішчальнікі МіГ-29.
Неўзабаве пасля распаду Савецкага Саюза Злучаныя Штаты набылі каля 20 МіГ-29, некаторыя з якіх да гэтага часу эксплуатуюцца. Іх рэканструкцыю правёў польскі вайскова-авіяцыйны завод №2 у Быдгашчы. Самалёты, якія дэманструе ўкраінскі Генштаб, могуць быць як ахвяраванымі ЗША, так і ўласнымі, мадэрнізаванымі. Апошні варыянт здаецца больш імаверным.
