Mer Enierhadara: rasijskija vojski abstrelvajuć horad ź minamiotaŭ
Mer Enierhadara paviedamlaje, što ź piaci ranicy pa miascovym časie rasijskija vojski viaduć bieśpierapynny artyleryjski abstreł horada, piša «Bi-bi-si».
«Ź piaci hadzin ranicy nie spyniajucca pastajannyja minamiotnyja abstreły horada. Čutnyja aŭtamatnyja čerhi. Viadoma ab papadańni ŭ niekalki hramadzianskich abjektaŭ. Jość paciarpiełyja! Kolki mienavita, vyśviatlajem», — napisaŭ Dźmitryj Arłoŭ u svaim telehram-kanale.
Pra abstreły Enierhadara taksama paviedamlajuć u sacsietkach miascovyja žychary.
Infarmacyju pra heta paćviardžaje i karespandent rasijskaha ahienctva «Interfaks», jaki znachodzicca ŭ horadzie.
«Abstreł pačaŭsia prykładna ŭ 6:00. Vybuchi hučać u roznych častkach horada ź pieryjadyčnaściu ŭ 3-4 chviliny, u tym liku ŭ žyłych mikrarajonach i kala administracyjnych budynkaŭ u centry horada», — pryvodzić ahienctva słovy svajho karespandenta.
Akupacyjnyja ŭłady horada abvinavačvajuć u abstrełach Ukrainu. Pa ich śćviardžeńni, u Enierhadary zafiksavana pa mienšaj miery piać papadańniaŭ u žyłyja šmatpaviarchovyja damy, u budynak dziciačaha sadka ŭ centry, a taksama ŭ pryparkavanyja aŭtamabili.
U horadzie raźmiaščajecca Zaparožskaja AES — najbujniejšaja atamnaja stancyja ŭ Jeŭropie. Siońnia jaje pavinna naviedać delehacyja ekśpiertaŭ MAHATE na čale z kiraŭnikom arhanizacyi Rafaelem Hrosi.