Biełaruski błohier hastraluje pa Krymie
Błohier i śpiavak Uład Kabiakoŭ, jaki maje bolš za 3 miljony padpisantaŭ na «Jutubie», u žniŭni adpraviŭsia ŭ tur pa haradach Rasii i Krymie.
Fota: instahram Kabiakova
Spačatku Kabiakoŭ anansavaŭ, što budzie vystupać tolki ŭ rasijskich haradach. Paźniej na afišu dadali Simfieropal, Sievastopal, Kierč, Ałuštu, Jałtu i Fieadosiju. Tam śpiavak vystupaŭ u žniŭni.
Skrynšot: instahram Kabiakova
Videa na kanale Kabiakova — heta ŭ asnoŭnym čelendžy i inšyja zabaŭlalnyja roliki.
Raniej jon byŭ u kamandzie A4 błohiera Ułada Bumahi. Ale ŭ mai jon syšoŭ adtul, paśla taho jak abviaściŭ pra zaručyny.
«Na siońnia dziejańni Ułada Kabiakova iduć u razrez z asnoŭnymi kaštoŭnaściami i ideałohijaj kanała A4, nam budzie składana zastavacca siabrami, kamandaj i zdymacca razam.
Ciapier dziejańni Kabiakova varta ŭsprymać jak dziejańni samastojnaha čałavieka. Jakimi b jany dziŭnymi ni byli, heta dziejańni Kabiakova, jakija nijak nie źviazanyja z A4», — napisaŭ Bumaha.
