U vieraśni projdzie «Ahulnaja dyktoŭka», padčas jakoj možna dapamahčy Lidskamu zamku
3 vieraśnia, u subotu, projdzie adkrytaja dyktoŭka pa biełaruskaj movie «Ahulnaja dyktoŭka». Vykazać luboŭ da rodnaj movy i pravieryć svajo viedańnie arfahrafii i punktuacyi možna anłajn ź luboj kropki śvietu ci afłajn u Minsku. Za kožnaha ŭdzielnika AAT «Lidskaje piva» pieraličyć hrošy na nabyćcio novaha ekspanata dla Lidskaha zamka.
«Ahulnaja dyktoŭka» projdzie ŭ Biełarusi ŭ čaćviorty raz, u 2020 hodzie napisać tekst na rodnaj movie vyrašyli bolš za 3 tysiačy čałaviek. Kab stać paŭnapraŭnym udzielnikam prajekta ŭ 2022 hodzie, treba zarehistravacca na sajcie i adznačyć, jak płanujecie pisać: anłajn ci ŭ Lidbeer Dvor.
3 vieraśnia a 15-j hadzinie na YouTube-kanale i na placoŭcy ŭ Minsku pačniecca tranślacyja. Da pryznačanaha času pad rukoj treba mieć tolki ručku i list farmatu A4. Abmiežavańniaŭ pa ŭzroście, hieahrafii i navat uzroŭni viedańnia movy dla ŭdzielnikaŭ niama — dla dyktoŭki arhanizatary vybrali tekst siaredniaj składanaści, kab pakazać adnačasova i bahaćcie našaj movy, i jaje mieładyčnuju pryhažość.
— Sioleta my vyrašyli nie prosta vykazać luboŭ da rodnaj movy praz adkrytuju dyktoŭku, ale i nabyć dla Biełarusi kaštoŭny materyjalny skarb. Za kožnaha ŭdzielnika, jaki dašle svaju pracu na pravierku, AAT «Lidskaje piva» pieraličyć piać rubloŭ na nabyćcio novaha ekspanata dla DU «Lidski historyka-mastacki muziej», dla jaho viadomaha na ŭsiu krainu filijała — Lidskaha zamka, — adznačyli ŭ kampanii.
Adpravić svaju pracu na pravierku možna praz asabisty kabiniet na sajcie, zrabić heta treba 3 vieraśnia da 19:00. Vystaŭlać adznaki buduć prafiesijnyja fiłołahi, svaje vyniki z kamientaryjami admysłoŭcaŭ možna budzie ŭbačyć praz 3—4 dni taksama ŭ asabistym kabiniecie.
Vydatniki, jakija napišuć dyktoŭku na 8, 9 ci 10 bałaŭ, atrymajuć zaprašalnyja bilety ŭ Muziej lidskaha brovara, jaki adkryŭsia ŭ Lidzie hetaj viasnoj. Na čatyroch pavierchach histaryčnaha budynka sabranyja tysiačy ekspanataŭ, u tym liku interaktyŭnyja, pryśviečanyja historyi słavutaha piŭzavoda i jaho zasnavalnika Nosiela Pupko.
