Usievaład Ścieburaka. Tolki b da vosieni znoŭ daciahnuć. Vierš

Tolki b da vosieni znoŭ daciahnuć,
jak chłopčyku-lotčyku da aeradroma.
Škoda, što ptuški ciapier latuć
kab nie viartacca bolej dadomu.

Tut by chapiła miesca ŭsim…
Stynie buślanka nad kinutaj chataj.
Voś simvał tvoj novy — skazaŭ by Maksim,
ale jon u Jałcie i tam svaje straty.

Choć čas praminuŭ, a harčeje ŭsio dym.
Chłopčyk kudłacić sivoje vałośsie…
Štonočy toj ža son — pad trymieram Tvaim
iznoŭku biez pary ŭkładajecca kałośsie.

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

8

1

0

0

2

0