Ukraincy na sabranyja hrošy kupili spadarožnik dla zdymki miascovaści z najvyšejšym razroźnieńniem
Dabračynny fond Siarhieja Prytuły na hrošy, sabranyja ŭ ramkach prajekta «Narodny «Bajraktar», nabyŭ spadarožnik, jaki daść mahčymaść atrymlivać detalovyja zdymki ziamnoj pavierchni niezaležna ad času sutak i ŭmoŭ nadvorja.
Fond paviedamlaje, što padpisaŭ damovu z kampanijaj ICEYE, jakaja nadaść ministerstvu abarony Ukrainy poŭny dostup da svajoj hrupoŭki spadarožnikaŭ SAR. Heta dazvolić uzbrojenym siłam atrymlivać spadarožnikavyja vyjavy krytyčna važnych miescaŭ z vysokaj častatoj paŭtornych naviedvańniaŭ.
Na zdymkach u mikrachvalevym dyjapazonie možna adroźnić navat asobnych ludziej dziakujučy zvyšvysokamu razroźnieńniu da 25 sm na piksiel.
Pieršapačatkova srodki byli sabranyja pry dapamozie kraŭdfandynhu dla pakupki troch bieśpiłotnikaŭ «Bajraktar», jakija turecki vytvorca ŭ vyniku vyrašyŭ pieradać Ukrainie biaspłatna.
