U Minsku adkryli 27 dadatkovych punktaŭ vakcynacyi ad kavidu
U stalicy z 1 pa 14 žniŭnia arhanizavana 27 dadatkovych punktaŭ vakcynacyi suprać karanavirusnaj infiekcyi. Havorka idzie ab pryščepačnych punktach, jakija zapracavali pa-za ŭstanovami achovy zdaroŭja.
Pra heta «Minsk-Navinam» paviedamiła hałoŭny śpiecyjalist adździeła pieršasnaj miedycynskaj dapamohi kamiteta pa achovie zdaroŭja Minharvykankama Iryna Tałkačova.
Pavodle słoŭ śpiecyjalista, bolš za ŭsio punktaŭ vakcynacyi (pa-za miedustanovami) adkryta ŭ Savieckim rajonie. Tam ich šeść. U Maskoŭskim rajonie arhanizavana piać pryščepačnych punktaŭ, u Partyzanskim — čatyry, stolki ž — u Zavodskim. Try punkty vakcynacyi ad kavidu adkryli ŭ Pieršamajskim rajonie, dva — u Frunzienskim i pa adnym u Leninskim, Kastryčnickim i Centralnym rajonach.
Vakcyny ŭ hetych punktach jość, pryčym na vybar. U najaŭnaści rasijskija «Sputnik V», «Sputnik Łajt», kitajskaja vakcyna «Sinafarm». Pryščaplajuć tolki darosłych — ad 18 hadoŭ. Dla vakcynacyi pry sabie nieabchodna mieć pašpart.
Darečy, u Biełarusi dziaciej i padletkaŭ vakcynujuć užo ź piaci hadoŭ. Ale pryščepki suprać kavid-infiekcyi niepaŭnaletnim robiać tolki va ŭstanovach achovy zdaroŭja.
