Ukrainskija čynoŭniki paviedamlajuć, što rasijskaje vajennaje kiraŭnictva ŭciakło z Chiersona
13 žniŭnia pra heta napisaŭ kiraŭnik Mikałajeŭskaj vobłaści Vital Kim, a ŭ niadzielu ŭ efiry nacyjanalnaha telemarafona infarmacyju paćvierdziŭ pieršy namieśnik kiraŭnika Chiersonskaj abłasnoj rady Juryj Sabaleŭski.
Na pytańnie pra toje, ci sapraŭdy ŭkrainskaja artyleryja źniščyła ŭsie mastavyja pierapravy z Chiersona praz Dniapro, Sabaleŭski adkazaŭ śćviardžalna.
«Ja mahu heta paćvierdzić. Sapraŭdy, siońnia ŭ orkaŭ nie isnuje nivodnaha łahistyčnaha maršrutu — biaśpiečnaha i takoha, jaki zadavalniaŭ by ich vajennyja patreby mienavita pa zabieśpiačeńni vajennaj hrupoŭki, raźmieščanaj kala Chiersona. Vidać, heta i stała asnoŭnaj pryčynaj taho, što rasijskaje vajennaje kamandavańnie sapraŭdy pakinuła Chierson. Bolšaść ź ich užo vyjechali z Chiersona, mienavita pra heta jość źviestki», — skazaŭ jon.
Rasijski bok hetuju infarmacyju nijak nie kamientuje.
