Minkult šukaje «talenavitych maładych kiniematahrafistaŭ»
Ministerstva kultury abviaściła dva konkursy, źviazanyja z kinavytvorčaściu. Žury čakaje idei karotkamietražak na temu małoj radzimy, pieršaha kachańnia i pra haradskija lehiendy. Taksama čakajuć scenaryi filma pra spartsmiena minskaha futbolnaha kłuba «Dynama» Alaksandra Prakapienku.
Konkurs «Lehiendy biełaruskaha sportu» ładzicca z metami:
— stvareńnia pryvabnaha imidžu Respubliki Biełaruś i biełaruskaha sportu;
— pavyšeńnia mastackaha i tvorčaha ŭzroŭniu sučasnych filmaŭ;
— mižnarodnaha supracoŭnictva ŭ śfiery kinavytvorčaści i ŭmacavańnia biełaruska-rasijskaha kulturnaha supracoŭnictva.
Udzielnikam prapanujuć stvaryć scenaryj i źniać film, pryśviečany słavutamu futbalistu minskaha «Dynama» Alaksandru Prakapienku.
Konkurs karotkamietražnych filmaŭ ładzicca ŭ troch naminacyjach: «Moj rodny kut», «Pieršaje kachańnie» i «Haradskija lehiendy». Stužki, jakija pieramohuć, abiacajuć pakazać na XXIX Minskim Mižnarodnym kinafiestyvali «Listapad» u konkursnaj prahramie «Kino maładych».
