Hienprakuratura choča pryznać BYPOL terarystyčnaj arhanizacyjaj
Hienieralny prakuror Andrej Švied pa prapanovie Staršyni Kamiteta dziaržaŭnaj biaśpieki nakiravaŭ u Viarchoŭny Sud zajavu ab pryznańni arhanizacyi BYPOL ź jaje strukturnymi padraździaleńniami «Situacyjna-analityčny centr» i «Mabilizacyjny płan «Pieramoha» terarystyčnaj.
Pavodle zajavy prakuratury, hetaja arhanizacyja była stvoranaja ŭ kastryčniku 2020 hoda na terytoryi Respubliki Polšča pa inicyjatyvie byłych supracoŭnikaŭ pravaachoŭnych orhanaŭ Biełarusi.
«Z maja 2021 h. BYPOL vykarystoŭvajecca z metaj abjadnańnia prychilnikaŭ biez uliku ich prynaležnaści da siłavych viedamstvaŭ, farmavańnia ŭ ich radykalnych pohladaŭ dla nastupnaha ich skłanieńnia da ździajśnieńnia ekstremisckich dziejańniaŭ (u tym liku aktaŭ teraryzmu)», — paviedamlaje prakuratura.
BYPOL — arhanizacyja byłych siłavikoŭ, meta jakoj — źmiena režymu Łukašenki. Jaje kiraŭnik Alaksandraŭ Azaraŭ uvajšoŭ u Kabiniet, stvorany Śviatłanaj Cichanoŭskaj, u jakaści pradstaŭnika pa biaśpiecy.
