Na sudzie ab «sprobie dziaržpieravarotu» Pratasievič zajaviŭ, što byŭ pieradatačnym źvianom pamiž «zmoŭščykami» i štabam Cichanoŭskaj
Ramana Pratasieviča 11 žniŭnia vyklikali davać pakazańni na praces pa spravie «ab sprobie pieravarotu», paviedamlaje Sputnik.
Pratasievič zajaviŭ, što byŭ pieradatačnym źvianom pamiž «zmoŭščykami» i štabam Śviatłany Cichanoŭskaj.
«Mnie Ščyhielski paviedamiŭ, što jość varyjant siłavoha źviaržeńnia ŭłady ŭ Biełarusi i zaprasiŭ da ŭdziełu ŭ zum-kanfierencyi», — skazaŭ Pratasievič u sudzie.
Taksama, pa słovach Pratasieviča, płanavałasia sustreča Cichanoŭskaj i «zmoŭščykaŭ» u Maskvie, Stambule abo jakim-niebudź horadzie ŭ Jeŭropie.
Jon raspavioŭ, što «zmoŭščyki» bačyli adzin varyjant źviaržeńnia ŭłady — «siłavy z udziełam vajskoŭcaŭ».
«Nijakim inšym sposabam ŭładu nielha było źmianić. Maršy i chadžeńni ŭžo pravalilisia», — skazaŭ Pratasievič.
Jon taksama zajaviŭ, što viedaŭ pra palityčnyja ambicyi Ziankoviča padčas prezidenckaj kampanii 2020 hoda jak kandydata ad Partyi BNF. Pavodle jaho słoŭ, ź Ziankovičam jon znajomy z 2017 hoda, a z Ščyhielskim — z 2015-ha.
Praces pa spravie ab «zmovie z metaj zachopu ŭłady» ŭ Minskim abłasnym sudzie pačaŭsia 29 lipienia.
Abvinavačanymi pa spravie prachodziać piać čałaviek: lidar Partyi BNF Ryhor Kastusioŭ, litaraturaznaŭca i palittechnołah Alaksandr Fiaduta, juryst z ZŠA Juryj Ziankovič, supracoŭnica jahonaj minskaj firmy Volha Hałubovič i aktyvist, dalnabojnik Dzianis Kraŭčuk.
Ziankovič, Fiaduta i Kastusioŭ abvinavačvajucca ŭ «zmovie z metaj zachopu ŭłady niekanstytucyjnym šlacham» (č.1 art. 357 KK), a Hałubovič i Kraŭčuk — tolki ŭ «hrubym parušeńni hramadskaha paradku» (č. 1 art.
Akramia hetaha, Ziankoviču inkryminavany «stvareńnie ekstremisckaha farmiravańnia i kiraŭnictva takim farmiravańniem» (č. 1 art. 361-1 KK), «zakliki da zachopu dziaržaŭnaj ułady» (č. 3 art. 361 KK), «raspalvańnie sacyjalnaj varožaści i roźni, ździejśnienaje hrupaj asobaŭ» (č. 3 art. 130 KK).
