Kamunalnikaŭ abaviazali zafarboŭvać «niesankcyjanavanyja nadpisy»
Supracoŭnikaŭ žyllova-kamunalnaj haspadarki abaviazali zafarboŭvać «niesankcyjanavanyja nadpisy», jak vynikaje sa źmienaŭ u pastanovu Ministerstva žyllova-kamunalnaj haspadarki № 8 ad 10 červienia 2022 hoda. Abnoŭleny dakument źjaviŭsia na sajcie pravo.by.
Hetaha murała ŭžo niama. Fota: supołka Vulica Brasil u fejsbuku
Ciapier kamunalniki pavinny likvidavać «niesankcyjanavanyja nadpisy» ŭ pierachodach i na mastach, što paznačana ŭ punkcie 18 pastanovy. Taksama siarod novych abaviazkaŭ rabotnikaŭ ŽKH — myć vulicy i masty, zdymać hniozdy ptušak i vosaŭ, adłoŭlivać šalonych i bieznahladnych žyvioł, ramantavać viełaparkoŭki i inšyja.
Raniej na praktycy ŭžo byli zaŭvažanyja vypadki zafarboŭvańnia navat nie nadpisaŭ, a mastackich murałaŭ, jakija ŭpryhožvali haradskija miaściny hadami i nikomu nie zaminali. Pry hetym jany nijak nie byli źviazanyja z palitykaj.
Čytajcie taksama:
«Niezadavalniajučaje pakryćcio». Čamu ŭ Minsku źnikli viadomyja hrafici?
