U Lvovie adkryłasia vystava «Farby biełaruskaj revalucyi». Jana składajecca z partretaŭ biełaruskich palitviaźniaŭ
U Lvoŭskim muziei historyi Ukrainy adkryłasia vystava «Farby Biełaruskaj revalucyi», jakaja składajecca z partretaŭ biełaruskich palitviaźniaŭ, piša ukrinform.ua.
«9 žniŭnia 2020 hoda staŭ dniom, jaki źmianiŭ žyćcio mnohich biełarusaŭ i staŭ kropkaj niezvarotu dla sotniaŭ tysiač ludziej. Na fotavystavie «Farby biełaruskaj revalucyi» my raskažam pra toje, što adbyvałasia na Maršach svabody 2020 u Biełarusi, i pakažam tych palitviaźniaŭ, čyj los ciesna źviazany z Ukrainaj. My uzhadajem tych, chto zapłaciŭ samuju vysokuju canu za svajo imknieńnie da svabody i baraćbu za jaje», — zajaŭlajuć arhanizatary.
U naviedvalnikaŭ vystavy jość mahčymaść napisać list palitviaźniam i vykazać im słovy padtrymki.
Vystava «Farby Biełaruskaj revalucyi» budzie pracavać da 14 žniŭnia 2022 hoda z 9.00 da 17.00 u Lvoŭskim muziei historyi Ukrainy.
