Taki słaby, što admaŭlajecca ŭstavać, turemny miedyk kaža: usio narmalna. Što adbyvajecca z Aŭtuchovičam
U hrodzienskaj turmie praciahvajuć sudzić «hrupu Aŭtuchoviča». Sam Mikałaj Aŭtuchovič adčuvaje siabie kiepska paśla praciahłaj haładoŭki.
Mikałaj Aŭtuchovič. Fota: «SB»
Na pasiadžeńni 10 žniŭnia čytali pierapisku z telefona Aŭtuchoviča.
Sam Mikałaj prysutničaŭ na pracesie. Jaho praciahvajuć trymać u maleńkaj adzinočnaj kletcy.
Viadoma, što Aŭtuchovič źniasileny, vyhladaje kiepska, u jaho čyrvonyja vočy. Razmaŭlaje ź ciažkaściu.
Na pracesie Aŭtuchovič paskardziŭsia na prablemy ź ciskam, sam skazaŭ, što jamu ciažka ŭstavać i havaryć, paprasiŭ miedyčnaj dapamohi.
Vyklikali miedyka, jaki pravioŭ ahlad. Heta byŭ doktar, jaki pracuje ŭ hrodzienskaj turmie, dzie i prachodzić sud. «Niezaležnych» daktaroŭ na praces nie vyklikajuć.
Paśla ahladu turemny miedyk zajaviŭ: usio narmalna, Aŭtuchovič moža prysutničać na pasiadžeńni i adkazvać na pytańni stojačy, jak hetaha patrabuje sud.
Prakurorka niešta pytałasia ŭ Aŭtuchoviča, ale jon byŭ taki słaby, što lišni raz nie ŭstavaŭ. Sudździa Maksim Fiłataŭ pradjaviŭ jamu pretenziju praz heta.
U adkaz Mikałaj Aŭtuchovič paviedamiŭ: tady ja naohuł nie budu ničoha kazać, budu maŭčać. I da kanca pasiadžeńnia jon maŭčaŭ.
Advakatka Mikałaja Aŭtuchoviča padała chadajnictva, kab vyklikać dadatkovaha śviedku. Prakurory vykazalisia suprać, paśla čaho sudździa Fiłataŭ chadajnictva abaroncy adchiliŭ.
«Naša Niva» — bastyjon biełaruščyny
PADTRYMAĆČytajcie taksama:
Chvoruju na ankałohiju piensijanierku raździavali siłaj. Novyja detali suda pa spravie Aŭtuchoviča
«Heta BNFaŭcy, i ja ich nienavidžu!» Na sudzie nad Aŭtuchovičam vaŭkavyski milicyjant raskazaŭ pra maralnuju izalacyju svajoj siamji paśla ŭdziełu ŭ represijach
«My vyjdziem ščylnymi radami». Padrabiaznaści taho, što adbyvajecca na pracesie Aŭtuchoviča, uražvajuć i vymušajuć zadumacca
