Administracyjnuju spravu žurnalistki Taćciany Matviejevaj nakiravali na dapracoŭku ŭ milicyju
U sudzie Kastryčnickaha rajona Viciebska raspačaŭsia praces nad žurnalistkaj Taćcianaj Matviejevaj, byłoj supracoŭnicaj Tut.by. Jaje vinavaciać u niesankcyjanavanym pikietavańni za raźmiaščeńnie ŭ Fejsbuku fotazdymka z malunkam biełaha i čyrvonaha koleraŭ. Sudździa Uładzimir Carykaŭ raspačaŭ sudovaje pasiadžeńnie, ale jano skončyłasia mienš jak praz paŭhadziny — jon zaŭvažyŭ pamyłki ŭ pratakole, piša «Viasna».
Bok abvinavačańnia na sudzie pradstaŭlaŭ supracoŭnik RAUS Kastryčnickaha rajona Uładzisłaŭ Šyškaviec, jaki i skłaŭ administracyjny pratakoł na žurnalistku. Jon napisaŭ, što žančyna raźmiaściła na svajoj staroncy ŭ Fejsbuku «fotazdymak ź bieła-čyrvona-biełym ściaham, publična vyražajučy asabistyja pohlady na padziei hramadska-palityčnaha žyćcia», nie zapytaŭšysia dazvołu ŭ rajvykankama.
Milicyjant uhledzieŭ u hetym prykmiety niesankcyjanavanaha pikietavańnia i kvalifikavaŭ dziejańni Taćciany pavodle artykuła 24.23 KaAP.