U minskim pierachodzie pjanaja kampanija źbiła dziaŭčynu i chłopca za admovu praśpiavać pieśniu
Jak raskazali ŭ Śledčym kamitecie, zdareńnie adbyłosia viečaram 1 žniŭnia.
Fota ilustratyŭnaje
Troje raniej sudzimych minčan u niećviarozym stanie prachodzili praz adzin z padziemnych pierachodaŭ stalicy. Jany źviarnuli ŭvahu na čatyroch muzykaŭ, jakija hrali ŭ padziemcy, siarod jakich była 14-hadovaja dziaŭčyna.
Kali dziaŭčyna zastałasia adna, niećviarozaja kampanija paprasiła jaje praśpiavać pieśniu. Paśla admovy dziaŭčyny mužčyny pačali pavodzić siabie ahresiŭna. Na heta źviarnuli ŭvahu astatnija muzykanty, jakija paśpiašalisia na dapamohu. Ale pjanyja napadniki stali źbivać dziaŭčynu i chłopca. Padčas bojki adzin z tych, chto napadaŭ, pahražaŭ nažom.
U dačynieńni da členaŭ kampanii ŭzbudžana kryminalnaja sprava pa č.3 art.339 (asabliva złosnaje chulihanstva) Kryminalnaha kodeksa Biełarusi. Adzin z napadnikaŭ zatrymany, dvaich šukajuć.
