Zialenski pastaviŭ ultymatum Rasii: Abo psieŭdarefierendumy, abo pieramovy
Prezident Ukrainy Uładzimir Zialenski ŭ štodzionnym videazvarocie faktyčna pastaviŭ ultymatum Uładzimiru Pucinu: kali na akupavanych rasijskimi vojskami terytoryjach projduć «refierendumy» ab ich dałučeńni da Rasii, to nijakich pieramovaŭ z Rasijaj Ukraina bolš vieści nie budzie.
«Kožny tydzień źjaŭlajecca ŭsio bolš paviedamleńniaŭ ab tym, što akupanty rychtujucca da psieŭdarefierendumaŭ u zaniatych imi rajonach na poŭdni našaj dziaržavy. Chaču skazać vielmi prostuju reč: usie, chto budzie dapamahać akupantam choć niejak realizavać hety namier, buduć adkazvać.
Buduć adkazvać pierad Ukrainaj. Pazicyja našaj dziaržavy zastajecca raniejšaj: my ničoha svajho nie addamo, a kali akupanty pojduć šlacham psieŭdarefierendumaŭ, to zakryjuć dla siabie lubuju mahčymaść pieramovaŭ z Ukrainaj i sa svabodnym śvietam, jakija rasijskamu boku ŭ peŭny momant adnaznačna spatrebiacca», — skazaŭ Zialenski.