Śpis ptušak Biełarusi moža papoŭnicca novym vidam
Biarezinski bijaśfierny zapaviednik paviedamiŭ, što nieŭzabavie śpis ptušak našaj krainy moža papoŭnicca novym vidam, i heta dziakujučy vykarystańniu spadarožnikavaha GPS-pieradatčyka. 22 lipienia byŭ adznačany pralot nad zapaviednikam dełavierskaj čajki.
Dełavierskaja čajka. Fota Alaksieja Lavaškina ź Nižniaha Noŭharada
Heta paŭnočnaamierykanski vid, pradstaŭniki jakoha ŭ apošnija dziesiacihodździ rehularna zalatajuć u Jeŭropu. U sakaviku pralot abstalavanaj pieradatčykam čajki, jakoj dali imia Kajzierka, prajšoŭ i praź Biełaruś. Tady dełavierskaja čajka lacieła na ŭschod na novaje miesca hniezdavańnia.
Dakładna viadoma, što jana razam sa svaim partnioram hniezdavałasia pad Nižnim Noŭharadam i vyvieła naščadkaŭ siarod hniezdavoj kałonii šyzych čajek. A na šlachu zvarotnaj mihracyi na zimoŭku ŭ Zachodniuju Jeŭropu čajka pralatała Biełaruś (treciaja rehistracyja) i ŭpieršyniu pierasiekła terytoryju Biarezinskaha zapaviednika.
Kali Biełaruskaja arnita-faŭnistyčnaja kamisija (BAFK), biez rašeńnia jakoj nazirańni za novymi i mnohimi redkimi dla krainy vidami nie majuć navukovaj siły, uchvalić rehistracyju dełavierskaj čajki, to hety vid papoŭnić śpis ptušak Biełarusi ŭ cełym i Biarezinskaha bijaśfiernaha zapaviednika ŭ pryvatnaści.
ažna mnie było niejak niajomka na heta hladzieć...