Rasijanie vielmi prajhrali, skupajučy zołata pa paradzie dziaržavy
Patrapiŭšy pad pieršyja surjoznyja sankcyi, rasijskija ŭłady ŭ sakaviku pačali pierakonvać hramadzian da ŭkładańniaŭ u zołata, tony jakoha nazapasilisia na bałansach dziaržbankaŭ. «Takija ŭkładańni mohuć stać dobraj alternatyvaj kupli valuty», — zajaŭlaŭ premjer-ministr Michaił Mišuścin. Ale ŭsio akazałasia zusim nie tak.
Ministr finansaŭ Rasii Anton Siłuanaŭ zajaŭlaŭ, što na fonie niestabilnaj hieapalityčnaj situacyi ŭkładańni ŭ zołata stanuć idealnaj alternatyvaj skupcy dalaraŭ.
Rasijskija pryvatnyja kampanii, pavieryŭšy paradam, z sakavika stavili rekordy pa zakupcy załatych źlitkaŭ. Lik pajšoŭ na dziasiatki ton, pavyšanym popytam karystalisia źlitki vahoj ad 1 kh.
Adnym z rekardsmienaŭ pa prodažach staŭ Śbierbank, jaki daŭ spravazdaču ab prodažy zołata na 10,9 tony. Na cełyja tony išoŭ lik i ŭ inšych bankaŭ: u siaredzinie krasavika VTB paviedamlaŭ ab prodažy klijentam 2 ton zołata ŭ źlitkach. PSB za apošnija čatyry miesiacy pradaŭ klijentam 1 tonu załatych źlitkaŭ.
Adnak akurat z taho času zołata stała imkliva tańnieć. Kali 3 sakavika zołata možna było kupić pa 7264 rubla za hram, to ciapier tolki pa 3201 rubla.
Takim čynam, rasijanie ŭžo stracili 56% ad pieršapačatkovych układańniaŭ, kali pieravodzić na hrošy — to heta bolš za 2 miljardy rasijskich rubloŭ.
