Ukrainskaja raźviedka: Rasija da kanca žniŭnia płanuje vyvieźci ź Biełarusi 12 tysiač ton bojeprypasaŭ
Upraŭleńnie stratehičnych kamunikacyj Uzbrojenych siłaŭ Ukrainy paviedamiła, što Rasija pačała vyvozić ź Biełarusi bojeprypasy ŭ 1061-y Centr materyjalna-techničnaha zabieśpiačeńnia Paŭdniovaj vajskovaj akruhi. «Ahułam da kanca žniŭnia zapłanavana vyvieźci 12 tysiač ton bojeprypasaŭ», — adznačajecca ŭ paviedamleńni.
Zdymak ilustracyjny. Fota: UNIAN
Pavodle Upraŭleńnia stratehičnych kamunikacyj, heta moža śviedčyć ab prablemach, jakija maje Rasija sa svoječasovaj pastaŭkaj patrebnaj kolkaści bojeprypasaŭ u zonu bajavych dziejańniaŭ.
«Heta jašče adna nahoda sumniavacca va ŭvarvańni va Ukrainu biełaruskaj armii, jakaja ŭ ciapierašnich umovach pieratvaryłasia jašče i ŭ resursnuju bazu dla padmacavańnia Rasii», — adznačyli va Uzbrojenych siłach Ukrainy.
Adnačasova heta ličać i niehatyŭnym momantam, jaki śviedčyć pra toje, što deficytu bojeprypasaŭ u rasijskaj armii niama, a jość tolki prablemy z dastaŭkaj ich pieradavym padraździaleńniam.
vam zusim bratoŭ-ukraincaŭ nie škada? bo ž bačna, jak usie zacikaŭlenyja baki (daloka nie tolki rasieja) chočuć pazbavicca ad starełaha vajennaha łamačča na biednym ukrainskim poli...
a sami tym časam vaaružajucca novym...