Aŭtuchovič spyniŭ haładoŭku, ale stan jahonaha zdaroŭja vielmi pahoršaŭ
27 lipienia Aŭtuchoviču zrabili analiz kryvi, jaki pakazaŭ, što arhanizm abiazvodžany i pačalisia źmieny va ŭnutranych orhanach — pačali razburacca nyrki. Cisk na 4 žniŭnia — 96/54, puls — 92, vysoki pakazčyk cukru ŭ kryvi — bolš za 8, piša «Novy čas».
«Tata skazaŭ, što jamu vielmi ciažka pierasoŭvacca, ale vyjšaŭ, kab raspavieści pra svajo zdaroŭje samomu. U jaho jość słabaść, hałavakružeńnie, suchaść, pach acetonu zychodzić ad jaho, vočy ŭpaŭšyja…», — raskazała jahonaja dačka.
Aŭtuchovič spažyvaje dziciačaje charčavańnie, ale straŭnik jahony pakul što tak i nie zapracavaŭ.
Naprykancy haładoŭki Aŭtuchoviču pieradali list ad maci. Imavierna, heta i stała pryčynaj spynieńnia haładoŭki, adnak dakładnaj pryčyny Aŭtuchovič nie nazvaŭ. Jašče adzin list ad maci jamu pieradali ŭčora.
Z 1 žniŭnia Mikałaju pastavili kropielnicu. Jon pačaŭ pić. Kropielnicy robiać kožny dzień u kamiery. Taksama jamu dajuć antybijotyki. Da taho ž Aŭtuchovič zastudziŭ vucha.