Raśsielhasnahlad vyjaviŭ u biełaruskim dziciačym charčavańni reštki antybijotykaŭ
U Rasii vyjavili supraćzapalenčyja preparaty i antybijotyki ŭ dziciačym charčavańni z dvuch biełaruskich pradpryjemstvaŭ, paviedamili ŭ Raśsielhasnahladzie.
«Raśsielhasnahlad u chodzie łabaratornaha manitorynhu vyjaviŭ u dziciačym charčavańni dźviuch biełaruskich kampanij reštkavy źmiest antybijotykaŭ i supraćzapalenčaha preparata», — havorycca ŭ paviedamleńni viedamstva.
Reštkavaja kolkaść antybijotykaŭ była vyjaŭlenaja ŭ raślinna-miasnym piure «Łazańnia ź jałavičynaj i aharodninaj» dla dziaciej rańniaha ŭzrostu (vytvorca TAA «Biełfud Pradakšn»), viadomaje pad nazvaj «Maleńkoje sčasťje». A taksama ŭ miasnych kansiervach «Piure ź jałavičyny» i «Indyčka» dla charčavańnia dziaciej z 6 miesiacaŭ i rańniaha ŭzrostu vytvorcy TAA «ŁVŁ Evalušn», viadomych pad nazvaj «Łožka v ładoškie».
U Raśsielhasnahladzie papiaredzili, što, kali parušeńni buduć vyjaŭlenyja paŭtorna, pastaŭki dziciačaha charčavańnia buduć abmiežavanyja.
Dola biełaruskich vytvorcaŭ dziciačaha charčavańnia na rasijskim rynku apošnim časam uzrasła na fonie sychodu zachodnich kampanij z Rasii.
