Ukrainskaja raźviedka: Rasija pry nieabchodnaści moža viarnuć svaje vojski ŭ Biełaruś ciaham 2—3 tydniaŭ
Pradstaŭnik Hałoŭnaha ŭpraŭleńnia raźviedki Ministerstva abarony Ukrainy Vadzim Skibicki zajaviŭ, što rasijskija vojski majuć navyki chutkaha pieramiaščeńnia vajskovaj techniki i asabovaha składu, tamu pry nieabchodnaści Rasija moža pierakinuć svaje vojski ŭ Biełaruś ciaham 2—3 tydniaŭ. Jon skazaŭ heta ŭ intervju brytanskamu vydańniu The Guardian.
Rasijskaja vajskovaja technika na čyhunačnaj płatformie
Pradstaŭnik ukrainskaj raźviedki nahadaŭ, što paśla adychodu rasijskich vojskaŭ z Kijeŭskaj i Čarnihaŭskaj abłaściej jany praz dva tydni źjavilisia na ŭkrainskim Danbasie. Pavodle jaho, Rasija dobra adpracavała navyki chutkaha pierakidańnia siłaŭ, kali jość takaja nieabchodnaść, jašče napiaredadni vajny.
Vadzim Skibicki źviarnuŭ uvahu na toje, što ciapier Rasija farmuje ŭ kožnaj vajskovaj akruzie strałkovyja bataljony reziervistaŭ, a taksama treci armiejski korpus u Zachodniaj vajskovaj akruzie. Pavodle jaho, nieviadoma, u jakim kirunku Rasija budzie vykarystoŭvać novyja siły, ale heta jaŭna budzie zaležać ad taho, jak buduć iści bai ŭ paŭdniovych i ŭschodnich rehijonach Ukrainy.