Z 2020 hoda ŭ Biełarusi likvidavanyja 880 niekamiercyjnych arhanizacyj
Pravaabarončyja arhanizacyi Lawtrend i OJEIES paviedamlajuć u svaim ahladzie za lipień, što sa žniŭnia 2020 hoda hramadski siektar Biełarusi niedaličyŭsia 880 niekamiercyjnych arhanizacyj. Tolki ŭ lipieni 2022-ha byli prymusova likvidavanyja 72 ź ich.
Fota ilustracyjnaje
Pravaabaroncy śćviardžajuć, što «praktyka represij u Biełarusi nie spyniajecca». Rašeńnie samalikvidavacca pryniali ahułam 343 arhanizacyi. Adznačajuć, što «rašeńnie pra samalikvidacyju prymajecca najpierš praź niespryjalnaje pravavoje asiarodździe, ahulnuju hramadska-palityčnuju situacyju ŭ krainie, a taksama — pad ciskam uładaŭ».
Tolki za lipień 2022 hoda kolkaść prymusova likvidavanych niekamiercyjnych arhanizacyj vyrasła na 72. Siarod inšaha pa iskach hienprakurora Viarchoŭny Sud vynies rašeńni ab spynieńni dziejnaści ŭsich niezaležnych prafsajuzaŭ, jakija isnavali ŭ krainie.