U jaki čas lepiej śniedać? Navukoŭcy dali dakładny adkaz
Dyjetołahi nie sumniavajucca, što śniadanak — asnoŭny pryjom ježy padčas dnia. Ale ŭ jaki čas lepiej za ŭsio za jaho bracca? Apošniaje daśledavańnie daje adkaz na hetaje pytańnie.
Fota: pixabay.com
Daśledčyki ź ispanskaha ŭniviersiteta Mursii vyznačyli lepšy čas dla śniadanka, abiedu i viačery. Zhodna ź imi, kali jeści mienavita ŭ hety čas, vy budziecie adčuvać siabie na praciahu dnia najbolš praduktyŭna, piša goodto.com.
Cikava, što ispancy vyznačyli čas dla ježy navat z dakładnaściu da chvilin. Zhodna ź imi, rekamiendavana śniedać paśla 7 hadzin ranicy, kali dakładniej, u 7.11. Da abiedu rajać prystupać pamiž 12.30 i 13 hadzinami, najlepšy vybar — 12.38.
Što da viačery, ź joj ispancy taksama nie rajać zatrymlivacca. Jany rekamiendujuć znajści da jaje čas pamiž 18 hadzinami i 18.30, kali zusim dakładna — siadajcie za stoł u 18.14.
Što rabić, kali vy sava i nikoli ŭ žyćci nie pračniaciesia ŭ 7 ranicy? Tady pastarajciesia śniedać na praciahu hadziny paśla abudžeńnia. Taki raskład dapamoža trymać pad kantrolem uzrovień harmonaŭ hoładu i daŭžej adčuvać nasyčanaść. I jašče adno nazirańnie: kali zanadta pozna abiedać i viačerać, heta moža pryvieści da taho, što vy budziecie pierajadać ci vybirać mienš zdarovuju ježu.
Ekśpierty nie spynilisia na hetym i vyznačyli taksama rekamiendavany čas dla pierakusaŭ. Jany rajać raspačynać pierakusy ŭ 11.01, 15.14 i 21.31, a taksama paśla intensiŭnych trenirovak i zaŭsiody, kali paśla minułaha pryjomu ježy prajšło bolš za 4 hadziny.
U dadatak, važna nie prapuskać pryjomy ježy. Naprykład, propusk śniadanka źviazvajuć z paharšeńniem u vuhlavodnym abmienie i sa źjaŭleńniem lišniaj vahi, niepatrebnyja kiłahramy pahražajuć i tym, chto prapuskaje abied ci viačeru. Narešcie, jość danyja, što ludzi, jakija prapuskajuć viačeru, mienš śpiać nočču i čaściej majuć drennyja zvyčki nakštałt kureńnia ci złoŭžyvańnia ałkaholem.
6 zdaraviejšych za kavu napojaŭ, jakija ŭzbadziorać z ranicy
Recept na vychadnyja. Anhlijskija aładki piklety — novy varyjant smačnaha śniadanka
